21февраль, Өфө фән һәм технологиялар университетында Туған тел көнөнә арналған
23:19 22.02.2024 16+
21февраль, “Өфө фән һәм технологиялар университетында Туған тел көнөнә арналған, "РӘСӘЙ ФЕДЕРАЦИЯҺЫ СУБЪЕКТТАРЫНЫҢ ПОЛИЛИНГВАЛЬ БЕЛЕМ БИРЕҮ АРАУЫҒЫНДА БАШҠОРТ ТЕЛЕ" исемле IX Халыҡ-ара фәнни-методик конференция ойошторолдо.
Шулай уҡ "ҮҘ-АРА БӘЙЛӘНЕШТЕҢ ИНТЕРАКТИВ ФОРМАЛАРЫ АША
ПОЛИЛИНГВАЛЬ БЕЛЕМ БИРЕҮ УЧРЕЖДЕНИЕЛАРЫ ТӘРБИӘЛӘНЕҮСЕЛӘРЕ ҺӘМ УҠЫУСЫЛАРЫНЫҢ ФУНКЦИОНАЛЬ ГРАМОТАЛЫЛЫҒЫН ФОРМАЛАШТЫРЫУ" темаһына методик семинар уҙҙы. Был конференцияла Учалы ҡалаһының башҡорт теле методик берекмәһенең тәрбиәселәре лә актив ҡатнашты. Арыҫланова Р.Х, Сабирьянова Г. Г. Саярова Р. А. ҡатнашыусы танытмаларын алыу бәхетенә иреште. Семинарҙа 9– сы һанлы балалар баҡсаһы тәрбиәсеһе Сабирьянова Гөлнара Гәбдрәшит ҡыҙы “Халыҡ фольклоры аша мәктәпкәсә йәштәге балаларға патриотик тәрбиә биреү “ темаһына оҫталык дәресен күрһәтте һәм рәхмәт хаты менән бүләкләнде. Конференция бай йөкмәткеле, бик фәһемле, юғары кимәлдә үтте. Барлыҡ ойоштороусыларға ҙур рәхмәтебеҙҙе белдерәбеҙ.